राजस्थानं हैदरावादयात न्यागु विकेट त्याकल
यूएईलय् जुया च्वंगु १३ क्वःगु संस्करणय् इन्डियन प्रिमियर लिग (आईपीएल) टी–ट्वान्टी क्रिकेट अन्तर्गत म्हिगः चान्ह्य जूगु कासाय् राजस्थान रोयल्सं सनराइजर्स हैदरावादयात न्यागु विकेट त्याकूगु दु। 
 
हैदरावादं राजस्थानयात १५९ रनया लक्ष्य १९ ओभर ५ बलय् ५ विकेटय् १६३ रन जक दयके फुगु खः। 
 
राजस्थानया लागि राहुल तेवातिया न ४५ रन व रिया प्रयाग ४२ रन दयकुगु खः। बलिङपाखे हैदरावादया लागि रशिद खान व कहेल अहमेदं छगु छगु विकेट काःगु खः। 
टस त्याका न्हापा ब्याटिङ याःगु हैदरावाद निर्धारित २० ओभरय् प्यगु विकेटय् १५८ रन दयकुगु खः। 
 
हैदरावादया लागि मनिस माण्डें ४४ बलय् २ चौका व ३ छक्काया ग्वाहालि ५४ रन, डेभिड वार्नर ४८ रन, केन विलियमसन २२ रनया योगदान याःगु खः। 
 
बलिङय् राजस्थानया लागि जोफ्रा आर्चर, जयदेव उन्डकट व कार्तिक त्यागीं छगु छगु विकेट काःगु खः।
Categorized in कासा