२०७७ माघ ८, बिहिबार

राजस्थान रोलयल्सं पन्जाबयात प्य.गु विकेट त्याकल

मनिष | अनलाथ्व द्धादशी ११४०,असोज १२ सोमवाः

यूएईलय् जुया च्वंगु १३ क्वःगु संस्करणया इन्डियन प्रिमियर लिग (आईपीएल) टी–ट्वान्टी क्रिकेटय् राजस्थान रोलयल्सं लगातार निक्वः पटक त्याकूगु दु । आइतवाः चान्ह्य जुगु कासाय् राजस्थानं किङ्स इलाभेन पन्जाबयात प्यगु विकेट पराजित याःगु दु । 
 
शारजाहाँ क्रिकेट स्टेडियमय् पन्जाबं २२४ रनया लक्ष्य राजस्थानं निर्धारित २० ओभरय् ६ विकेट गुमे याना १२६ रन दयकूगु खः। 
 
राजस्थानया लागि सन्जु श्यामसन, राहुल तेवातिया व स्टिप स्मिथं  अर्धशतकीय पारी म्हितूगु खः ४२ बलय् सन्जु ८५ रन, स्टिभ स्मिथं ५० रन, राहुल तेवातियां ५३ रनया योगदान याःगु खः।
 
अथेहे बलिङपाखे पन्जाबया लागि मोहमद स्वामी स्वगूगु विकेट, शेल्डोन कट्रेल, मुर्गान अश्विन व जेम्स निसमं छगु छगु विकेट काःगु खः । 
 
थ्व स्वाय न्ह्य टस बूया ब्याटिङ याःगु पन्जाबं निर्धारित २० ओभरय् निगु विकेटया क्षतिइ २२३ रन दयेकूगु खः। पन्जाबया लागि मयंक अग्रवालं ५० बलय् १०६ रन, केएल राहुलं ६९ रन, विलेन म्याक्सवेलं १३ रन व निकोलस पोरान २५ रनया योगदान याःगु खः। 
 
बलिङपाखे राजस्थानया लागि अंकित राजपुत व टोम करन छगु छगु विकेट काःगु खः।
Categorized in कासा