शहरी विकास राज्यमन्त्री रामवीर मानन्धरं एकल गायन (सोलो कन्सर्ट) य् विश्व रेकर्ड तःगु दु ।

राज्यमन्त्री मानन्धरं नां वर्ल्ड बुक अफ रेकर्ड युके दुथ्यागु दसिपौ लःल्हागु दु । राज्यमन्त्री मानन्धरं लगातार प्यघौ न्यागु मिनेट नीगु सेकेण्डतक म्ये हाला विश्व कीर्तिमान तयादिगु खः। थ्वया न्हय् विश्वय् मन्त्री पदय् च्वना लगातार म्ये हाला थुगु कीर्तिमान तःगु खः। येँया अष्टनारायण चलचित्र हलय् जुगु विशेष ज्याझ्वःदथुइ मन्त्री मानन्धरं विश्व कीर्तिमानया निंतिं म्ये हालादिगु खः।

राज्यमन्त्री मानन्धरं वर्ल्ड बुक अफ रेकर्ड युकेय् बहालवाला मन्त्रीया एकल कन्सर्ट विधाय् विश्व रेकर्ड कायम जुगु दु। राज्यमन्त्री मानन्धरं नेपालभाषा व नेपाली भायया राष्ट्रिय, आधुनिक म्ये याना न्येय्गुपु म्ये हालादिगु खः।

ज्याझ्वलय् सञ्चार तथा सूचना प्रविधिमन्त्री लिसें सरकारया प्रवक्ता पार्वत गुरुङं वल्र्ड बुक रेकर्ड कायम यायेत ग्वसाग्वगु कन्सर्टया उलेज्या यानादिगु खः।

Categorized in मनोरन्जन