२०७८ मङ्सिर २१, मंगलबार

राप्रपाया महाधिवेशनया तिथि क्वजिल

कौलागा अष्टमी ११४१, कात्तिक १२ शुक्रबाः

राष्ट्रिय प्रजातन्त्र पार्टी राप्रपां पार्टीया केन्द्रीय महाधिवेशनया मिति लिछ्याःगु दु ।

म्हिगःच्वंगु पार्टीया विशेष समितिया मुँज्यां मंसीर ११ निसें १३ गतेतक येँय् महाधिवेशन यायेगु क्वःछ्यूगु दु । थ्वसिवे न्ह्यः, कात्तिक २७ निसें ३० गतेतक यायेगु धयाःतःगु खःसां तयारी मगाःगु धासें पूर्वनिर्धारित मिति लिछ्याःगु खः ।

मुँज्यां महाधिवेशन प्रतिनिधि ल्यज्या मंसीर १ निसें ३ गतेतक यायेगु ज्याधलः क्वःछ्यूगु दु । अथेहे, प्रदेशया अधिवेशन कात्तिक २८ गते यायेगु निर्णय जूगु नेता राजाराम श्रेष्ठं जानकारी बियादिल ।

श्रेष्ठं ब्यूगु जानकारी कथं कात्तिक १८ गतेदुने सक्रिय सदस्यता दर्ता यायेमाः । आःतक ६१गू जिल्लाय् राप्रपाया जिल्ला अधिवेशन क्वचायेधुंकूगु दु । महाधिवेशन लिक्क वःगुनाप राप्रपादुने नेतृत्वया नितिं धेंधेंबल्ला न्ह्याःगु दु ।

परम्परागत विचाः दुगु पार्टीया छवि दयेकूगु राप्रपादुने थ्व पालय् महाधिवेशनय् पुस्तान्तरणया विषय न दु ।

नेतृत्वया नितिं आः नेतृत्वय् दुपिं नायः पशुपतिशमशेर जबरा, डा. प्रकाशचन्द्र लोहनी व कमल थापा अले निगूगु पुस्ताया नेतात धवलशमशेर राणा व राजेन्द्र लिङ्देन नेतृत्वया नितिं मुख्य आकांक्षी खः ।

Categorized in राजनीति