रामशेखरया लुमन्तिइ बिचाः मुँज्या जुल
लहनान्यूज | चिल्लाथ्व चतुर्दशि ११३७ (मार्च ११ २०१७)
नांजाःम्ह साहित्यकार, कलाकार व निर्देशक रामशेखर नकःमि मदुगु झिंस्वन्हुया पुण्य तिथिस नेवाः जागरण रामशेखर ग्वाहलि पुचःया ग्वसालय् बिचाः मुँज्या जूगु दु ।
मदुम्ह रामशेखरयात लुमंकाः छगू मिनेट मौन धारण यानाः न्ह्याकूगु ज्याझ्वलय् नीलकाजि शाक्यं धारणी पाठ नं यानादीगु खः । ज्याझ्वलय् ग्वाहालि पुचःया नायः निरञ्जनरत्न शाक्यं शोक प्रस्ताव ब्बनादीगु खः ।
बरिष्ठ सिनेपत्रकार बिजयरत्न असंबरें मदुम्ह रामशेखर कला ख्यःया ज्वः मदुगु थां खः धकाः धयादिल । नेवाः न्ह्यलुवा मल्ल के सुन्दरं मदुम्ह छम्ह साहित्यकार जक मखसें क्रान्तिकारि तकं खःगु धयादिल ।
ज्याझ्वलय् जनगायक भुगृराम श्रेष्ठ, कलाकार गणेश सायमि, नकःमि समाजया नायः जितेन्द्र नकःमि, नेवाः जागरण मंचया नायः सुजिव बज्राचार्यं मदुम्ह रामशेखरया कला व भाषा ख्यलय् योगदानया बारे न्वःवानादीगु खः ।
Categorized in राष्ट्रिय
