रामशेखर हना म्ये
वरिष्ठ कलाकार, निर्देशक लिसें साहित्यकार रामशेखर नकःमि क्यान्सर ल्वचं थौं मन्त । आः वयकःया लुमन्ति अले वयकःया श्रृजना जक झी दथुइ ल्यं दनि । वयकःया शरीरं थ्व संसार त्वःतावंसां वयकःया व हे च्वछायेबहःगु श्रृजनां वयकःयात झीगु दथुइ सदां म्वाकातइ ।
 
मदुम्ह शेखर दाइ अर्थात रामशेखर नकःमियात वंगु २०७० श्रावण १२ गतेया दिनय् नागरीक स्तरं झी कलाकार रामशेखर नकःमि हना ज्याझ्वः समितिपाखें तःजिक सम्मान याःगु खः । व हे झ्वलय् भिन्तुना मिडियापाखें वयकःया भिडियो म्यागेजिन नं पिथंगु खः । थौं वयकःयात श्रद्धान्जलि देछासें उगु भिन्तुना भिडियो म्यागेजिनय् पिदंगु वयकःया हना म्ये न्ह्यब्वयाच्वना ।