नेपाल एपीएफ क्लब आहा रारा गोल्डकप फुटबल धेंधेंबल्लाया क्वाटर फाइनलय् थ्यंगु दु ।

पोखरास्थित पोखरा रंगशालाय् जूगु उलेज्या कासाय् ग्वसाःखलः सहारा क्लबयात २गू–०या गोल अन्तरं बुका एपीएफ लिपांगु ८गूलिइ थ्यंगु खः । सातदोबाटो युथ क्लबया ५ म्ह कासामि लिसें धेंधेंबल्लाय् कुहाँवःगु ग्वसाःखलः टिम उलेज्या कासाय् बुइमाल ।

एपीएफया नितिं आभाष लामिछाने व प्रदिप लामां छगू छगू गोल याःगु खः । आभाषं न्हापांगु हाफय् एपीएफयात अग्रता बिउगु खः । आभाषं कासाया १४गूगु मिनेटय् गोल याना विभागीय टोलीयात अग्रता बिउगु खः ।

प्रदिपं धाःसा ६०गूगु मिनेटय् एपीएफया अग्रता निदुगं याःगु खः । एपीएफं आः माघ ८ गते अमेरिकाया बीवाईएससी मिनेसोटा विरुद्ध म्हितिइ ।

धेेंधेंबल्ला अन्तर्गत थौं हिमालयन शेर्पा क्लब व नेपाल पुलिस क्लब दथुइ कासा जुइ ।

Categorized in कासा