२०७८ कार्तिक १०, बुधबार

रावण मन्त

ञंलागा औंसी ११४१, असोज २० बुधवाः

हिन्दी धार्मिक सिरियल “रामायण” य् रावणया भूमिका म्हितूम्ह सशक्त अभिनेता अरविंद त्रिवेदी ८२ दँया बैंशय् मन्त ।
 
ताः इलंनिसें म्हं मफयाच्वंम्ह त्रिवेदी वंगु चान्हय् मुम्बइलय् हृदयघात जुयाः मदुगु खः । मध्य प्रदेशया उज्जैनय् बूम्ह त्रिवेदीं भारतीय फिल्म अले रङ्गमञ्चय् ४० दँ स्वयां अप्वः सेवा यात ।
 
हिन्दी संकिपा अले सिरियलय् नं स्यल्लाःगु अभिनय याःम्ह त्रिवेदीया रावणया भूमिकाया धाःसा ज्वः मदु । वय्कःया थौं मुम्बइया दाहनुकरबारी घाटय् अन्त्येष्टि यायेत्यंगु दु ।
Categorized in मनोरन्जन