२०८१ आषाढ ११, मंगलबार

राष्ट्रपतिया भारत भ्रमण झ्वलयया ज्याझ्वःत

लहनान्यूज | चौलागा पंचमी ११३७ (अप्रिल १६ २०१७)

गणतन्त्र नेपालया राष्ट्रपति विद्यादेवी भण्डारी कन्हय् भारतया राजकीय भ्रमणय् झायेत्यंगु दु ।
 
राष्ट्रपति भण्डारी ३४ दुजःया पुचःया नेतृत्व यासें भारत भ्रमणय् झायेत्यंगु खः । ३४ दुजःया टोलीइ परराष्ट्रमन्त्री डा. प्रकाशशरण महत, शान्तिमन्त्री सीतादेवी यादवलिसेंयापिं दु ।
 
राष्ट्रपति भण्डारी भारत च्वनादीगु इलय्समकक्षी प्रणव मुखर्जी, उपराष्ट्रपति हमिद अन्सारी व प्रधानमन्त्री नरेन्द्र मोदीलिसेंयात नापलानादीगु ज्याझ्वः दु । लिसें वयकलं गुजरात व उडिसा राज्यया नं भ्रमण यानादीगु ज्याझ्वः दु ।
 
राष्ट्रपति भण्डारी शुक्रबाः देशय् लिहांझाइ । सरकारं कन्हय् राष्ट्रपति भारत झाइगु दिंया नापं शुक्रवाः वयकः लिहांझाइगु दिनय् नं सार्वजनिक विदा बीगु क्वःछ्यूगु दु ।
Categorized in राष्ट्रिय