राष्ट्रपति रामचन्द्र पौडेलं देय्या वर्तमान विषम परिस्थितिइ मुलुकयात संवैधानिक दायराय् च्वनाः गथे यानाः निकास बिइ फइ व मुलुकय् लोकतन्त्रया संरक्षण नापं शान्ति सुव्यवस्था गथे यानाः कायम यायेफइ धकाः थःम्हं बिचाः–विमर्शलिसें फयांफक्व कुतः यानाच्वना धइगु जानकारी बियादीगु दु।

वय्कलं थौं विज्ञप्ति पिथँनादिसें आन्दोलनकारी नागरिकतय् माग संबोधन यायेत फयांफक्व याकनं समस्या ज्यंकेगु लँपु मालेगु ज्या जुयाच्वंगु विषयय् धुक्क जुइत व संयमतापूर्वक मुलुकय् शान्ति सुव्यवस्था कायम यायेगु ज्याय् ग्वाहालि यायेत फुक्क पक्षयात इनाप यानादीगु खः।

Categorized in राष्ट्रिय