२०८० चैत्र १६, शुक्रबार

राष्ट्रपति विद्यादेवी भण्डारीं यलया कृष्ण मन्दिरय्

नृपेन्द्र लाल श्रेष्ठ | गुंलागा सप्तमी ११३७ (अगष्ट ३० २०१७)

भगवान श्रीकृष्णया पूजा आराधना याना देय्न्यं कृष्ण जन्माअष्टिमी हने ज्या जुगु दु । भगवान श्रीकृष्णया  जन्म जुगु लुमन्ति दँय्दसँ गुंलागा सप्तमीया दिंखुन्हु थुगु पर्व हनेगु याना वया च्वंगु खः । कृष्ण जन्माष्टमीया लसताय् यल लाय्कुया कृष्ण मन्दिरय् सुथंनिसें थौं तसकं भक्तजन तय्गु भीड खनेदु ।
 
पूजायायेगु नितिं येँ, यल, ख्वप, थिमि, थक्वाः, चाँपागां, गोदावरी, लगायत स्वनिगःया थीथी थासं भक्तजनतय्गु अप्वो ब्वति कागु खने दुगु खः । दँय्दसँ कृष्ण जन्माष्टमीया दिं कुन्हु देगलय्  विशेष पूजाअर्चना यायेगु लिसें जात्रा हनिगु प्रचलन दु ।
 
 
कृष्ण जन्माअष्टमी ज्ञान, भक्ति व कर्मयोगया प्रणेता कृष्णया पूजाआजा यायेगु  चलन दु  । पाजु  कंश लगायतया अत्याचारं मानव जातियात मुक्ति बिइत वासुदेव व देवकीया च्याक्वःगु गर्भं विष्णुया च्यागूगु  अवतारया रुपय् श्रीकृष्णया जन्म जुगु धार्मिक विश्वास दु । थुगु दिं मनुत अप्सं च्वनां बहनि  कृष्ण जन्म जुगु लुमन्ति पूजाआजा यायेगु व चच्छि  जाग्राम च्वना भजन यायेगु, कृष्णया किपाः ब्वयेगु तकं याइ ।
 
अथे हे अष्टमीया दिनय् धाःसा नेवाःतय्सं थाय् थासय् कृष्णया मूर्ति हे खतय् तया जात्रा याइगु चलन दु । नाप था थासय कृष्ण यागु किपाः ब्बयेगु चलन न दु ।
 

 

राष्ट्रपति विद्यादेवी भण्डारीं न यलया कृष्ण मन्दिरय्
 
राष्ट्रपति विद्यादेवी भण्डारीं न यलया मंगलबजारय् च्वंगु कृष्ण मन्दिरय् वना प्रसाद ग्रहण यानदीगु दु । राष्ट्रपति भण्डारीं कृष्णजन्मा अष्टमीया लसताय् थौं सनिलय् कृष्ण मन्दिरय् वना प्रसाद ग्रहण यानादीगु खः । दँय् दसं गुंलागा सप्तमि कृष्ण जन्माष्टमीया दिनय् अथे राष्ट्रप्रमुख वइगु चलन दु । राष्ट्रपति भण्डारी प्रसाद ग्रहणलिपा छुं ई सर्वसाधारणतलिसे खँ ल्हानादीगु खः । 
 
 
 
Categorized in राष्ट्रिय