राष्ट्रपति व प्रधानमन्त्री दथुइ भेटवार्ता
लहनान्युज | बछलाथ्व नवमी ११४०,बैसाख २० सनिवाः
प्रधानमन्त्री केपी शर्मा ओलीं थौं शनिवाः सनिलय् सचिवालय बैठक च्वनेगु न्ह्यः शीतलनिवासय् वना राष्ट्रपति विद्यादेवी भण्डारी नाप लाःगु दु ।
राष्ट्रपतिया थाय् प्रधानमन्त्रीं ४ः३० बजे शीतलनिवासय् थ्यःगु खः ।
राष्ट्रपति व प्रधानमन्त्री दथुइ करिब ३५ मिनेट खँल्हाबल्हा जुगु खः ।
नेकपा सचिवालयया बैठक थौं सनिलयया ४ बजे च्वनेगु धाःसा साढे ५ बजे जक च्वंगु खः ।
नेकपाया बैठक च्वने न्ह्य उगु भेटयात राजनीतिक रुपं अर्थपूर्ण तायकुगु दु ।
राष्ट्रपति नाप लाये धुका बालुवाटारय् प्रधानमन्त्रीं मेम्ह अध्यक्ष प्रचण्ड नाप न खँ ल्हागु खः ।
