राष्ट्रियसभाया अध्यक्षय् गणेश तिमिल्सिना निर्विरोध
लहनान्युज | चिल्लागा दशमी ११३८ (मार्च १२ २०१८)
राष्ट्रियसभाया अध्यक्ष पदय् एमालेया गणेश तिमिल्सिना निर्विरोध निर्वाचित जुयादीगु दु ।
एमाले सांसद तिमिल्सिनाया जक उम्मेदवारी वःगु कारणं अध्यक्षय् निर्विरोध निर्वाचित जुगु औपचारिक घोषणा थ्व हे वइगु बुधवाःजुइगु राष्ट्रियसभाया बैठकं याइगु जुगु दु ।
तिमिल्सिनाया प्रस्तावकय् एमालेया खिमलाल भट्टराई व समर्थकय् माओवादीया दीनानाथ शर्मा व एमालेया सुमनराज प्याकुरेल च्वनादीगु खः ।
