राष्ट्रियसभाया ८क्वःगु अधिवेशन थौं निसें न्ह्याइगु
बछलागा सप्तमी ११४१, असार १७ बिहिवाः
राष्ट्रियसभाया ८क्वःगु अधिवेशन थौंनिसें न्ह्यायेत्यंगु दु । सरकारया सिफारिसय् राष्ट्रपति विद्यादेवी भण्डारीं राष्ट्रियसभाया ८क्वःगु अधिवेशन थौं न्हिने ४ ता ईया नितिं सःतादीगु दु ।
थांै न्ह्याइगु अधिवेशनया नितिं आवश्यक फुक्क तयारी पूवंगु संघीय संसद सचिवालयं न्ह्यथंगु दु । मुँज्याय् दुथ्याइपिं अध्यक्ष निसें राष्ट्रिय सभाया दुजःलिसेंयापिनि एन्टिजेन्ट परीक्षण म्हिगः याःगु खः ।
सचिवालयया सहायक प्रवक्ता दशरथ धमलां अधिवेशनया फुक्क तयारी पूवंगु व अधिवेशनय् विधेयक लिसें समितिया प्रतिवेदन व संवैधानिक निकायपाखें वःगु पौ प्रस्तुत जुइगु जानकारी बियादील । राष्ट्रियसभाय् आः १९गू विधेयक दु ।
अथेहे, नियमावलीया व्यवस्था कथं अधिवेशनया न्हापांगु मुँज्याय् अध्यादेशत पेश जुइगु सचिवालयं न्ह्यथंगु दु ।
Categorized in राजनीति
