राष्ट्रियसभाय् १८ म्ह सांसदपिनिगु कार्यकाल थौं क्वचाल
राष्ट्रियसभाया निदँया कार्यकाल पूरा जुपिं १८ म्ह सांसदपिं थौं मंगलवाः क्वचाये त्यःगु दु । बिदा जुइपिं नेकपाया ८, कांग्रेसया ६, राजपाया २, समाजवादीया १ व राष्ट्रपतिपाखे मनोनित छम्ह सांसद्पिं खः ।
 
अथेहे, वर्तमान सरकारया अर्थमन्त्री डा. युवराज खतिवडाया कार्यकाल न थौं हे क्वचा त्यःगु खः ।
 
मन्त्री खतिवडा राष्ट्रपतिपाखे राष्ट्रियसभा सदस्यय् मनोनित जुगु खः ।
 
निदँया कार्यकाल क्वचायेत्यपि नेकपाया सांसदपिं हरिचरण शिवाकोटी, बलराम बास्कोटा, मीना बुढा, युटोल तामाङ, राजकुमार कुँवर, कमलाकुमारी ओली, कालिबहादुर मल्ल व खेमराज नेपाली खः ।
 
अथेहे, कांग्रेसपाखे राष्ट्रिय सभाया संसदीय दलया नेता सुरेन्द्रराज पाण्डे, सचेतक सरिता प्रसाई, विन्दादेवी आले, बद्री पाण्डे, मुक्ताकुमारी यादव व धनकुमारी खतिवडाया कार्यकाल न क्वचायेत्यःगु खः । 
 
नाप राजपाया वृशेषचन्द्र लाल व रमेशप्रसाद यादव, समाजवादीया रामप्रित पासवानया कार्यकाल क्वचाःगु दु  ।
 
राष्ट्रियसभा सदस्यपिनिगु कार्यकाल गोलाप्रथापाखे निश्चित याउगु खः । ५९ म्ह सदस्यीय राष्ट्रियसभाय् कांग्रेसपाखे १३ सिट थ्यःगु खः ।
 
Categorized in राजनीति