२०८१ आषाढ ११, मंगलबार

राष्ट्रियसभा सदस्यया लागि माघ १० गते दुने उम्मेदवारी दर्ता

लहनान्युज | पोहेलागा नवमि ११३८ (जनवरी १० २०१८)

निर्वाचन आयोगं राष्ट्रियसभा सदस्यया लागि निर्वाचन ज्याझ्वः सार्वजनिक याःगु दु । सरकारं थ्व हे वइगु माघ २४ गते निर्वाचन याइगु जुगु दु ।
थ्व हे वइगु माघ १० गते दुने उम्मेदवारी दर्ता याये माःगु दु । 
 
 
निर्वाचनय् स्थानीय तहया प्रमुख व उपप्रमुख नापं प्रदेशसभा सदस्य तयेसं मतदान याये दइ । गाउँपालिकाया अध्यक्ष व उपाध्यक्ष नाप नगरपालिकाया प्रमुख व उपप्रमुख याना जम्मा १५०६ म्ह व प्रदेशसभाया ५५० सदस्य याना मुक्कं २,०५६ म्हसिया मतदान याये खनि । 
 
 
प्रदेशसभा सदस्यया मतभार ४८ व स्थानीय तहया प्रमुख व उपप्रमुखया मतभार १८ तोकिए याःगु दु । स्थानीय तहया प्रमुख व उपप्रमुख नाप प्रदेशसभा सदस्यया मतं राष्ट्रियसभाया ५६ म्ह सदस्य निर्वा्चित जुइ् । 
 
 
प्रत्येक प्रदेशपाख मिसा व खुलापाखें स्वम्ह स्वम्ह, दलित व अपाङ्ग जुम्ह मनू वा अल्पसङ्ख्यक समुदायपाखें छम्ह छम्हयाना च्याम्ह निर्वाचित जुइ ।
 
 
 
 
 
 
 
 
 
 
Categorized in राजनीति