राष्ट्रिय टोलीया बन्द प्रशिक्षण न्ह्यात
बछलागाः एकादशी ११४१, असार २१ गते सोमबाः
नेपाली राष्ट्रिय फुटबल टिमया बन्द प्रशिक्षण म्हिगःनिसें न्ह्याःगु दु ।
वंगु वालंनिसें प्रारम्भिक चरणया बन्द प्रशिक्षण न्ह्याकेगु धाःसां कासामियाके कोरोना भाइरसया संक्रमण खनेदयेधुंकाः प्रशिक्षण द्यूगु खः ।
म्हिगःनिसें एन्फा कम्प्लेक्सया ख्यलय् बन्द प्रशिक्षण न्ह्याःगु अखिल नेपाल फुटबल संघ एन्फां न्ह्यथंगु दु । मुख्य प्रशिक्षक अब्दुल्लाह अलमुताइरीं बन्द प्रशिक्षणया लागिं ५० कासामितय् सःतादीगु दु ।
न्ह्यःने वयाच्वंगु साफ च्याम्पियनसिप फुटबल व एसियन कप ल्यज्या अन्तर्गत फाइनल चरणया कासाया लागिं राष्ट्रिय टोली ल्ययेत प्रारम्भिक चरणया बन्द प्रशिक्षण न्ह्याकूगु खः ।
Categorized in कासा
