राष्ट्रिय सम्मानलिसें गौतमया अन्त्येष्टि जुल
लहनान्यूज | चिल्लाथ्व पुन्हि ११३७ (मार्च १२ २०१७)
भारतीय सीमा सुरक्षा बल एसएसबीं कयेकूगु गोलिं लानाः मदुम्ह कञ्चनपुर पुनर्वासया गोविन्द गौतमया अन्त्येष्टि थौं राष्ट्रिय सम्मानलिसें याःगु दु ।
गौतमया अन्त्येष्टि कञ्चनपुरया दोदा खुसि सिथय् याःगु खः । अन्त्येष्टीइ गौतमयात ११ तोपया सलामी ब्यूगु खः ।
गौतमयात वयकःया अबुजु ७२दँया खेमलाल गौतमं मि तयादिल ।
थ्वया न्ह्यः गौतमया शवयात्रा याःगु खः । सेती अञ्चल अस्पताल धनगढीं न्ह्याःगु शवयात्राय् द्वलंद्वःम्ह सनाःवंगु खः ।
सीमा लिक्क दयेकूगु कल्भर्ट विवादय् भारतीय प्रहरीं कयेकूगु गोलिं लानाः वंगु बिहीबार गौतम मदुगु खः ।
Categorized in राष्ट्रिय
