रासस या ५६क्वःगु वार्षिकोत्सव हन
लहनान्यूज | सिल्लागा सप्तमी ११३७ (१८ फेब्रुअरी २०१७)
राष्ट्रिय समाचार समिति (रासस) या ५६क्वःगु वार्षिक उत्सव थौं हंगु दु ।
सुचना व संचारमन्त्री सुरेन्द्रकुमार कार्कीया मूपाहाँसुइ जूगु ज्याझ्वलय् राससया कर्मचारीपिन्त सम्मान नं याःगु खः । सम्मानित कर्मचारीपिन्त मन्त्री कार्कीं सम्मान लःल्हानादीगु खः ।
सम्मानया झ्वलय् मोपसलपाखें धनवीर महत, बांलाःगु अडियो विधापाखे केन्द्रीय ज्याकूया कृष्णराज गौतम व मोफसलपाखें नारायण ढुंगेलयात ५द्वः ५द्वः तकालिसें पुरस्कृत जूगु खः ।
ज्याझ्वलय् नेपाल पत्रकार महांघ रासस कचापाखें बिया वयाच्वंगु १०द्वः तका राशिलिसेंया रासस पत्रकारीता सिरपाः कार्यकारी सम्पादक विकासप्रसाद लोहनी व वरिष्ठ संवाददाता नारायणप्रसाद न्यौपानेयात लःल्हाःगु दु ।
विकास क्षेत्रं पूर्वाञ्चल यामबहादुर प्रधान, मध्यमाञ्चल नवदीप श्रेष्ठ, पश्चिमाञ्चल कृष्ण दर्नाल, मध्यपश्चिमाञ्चल रामचन्द्र न्यौपाने, सुदूरपश्चिमाञ्चल धनबहादुर भण्डारी व स्वनिगलं अच्युत रेग्मी सम्मानित जुल ।
उत्कृष्ट आलेखपाखे पूर्णप्रसाद मिश्र व कविता उपाध्याय सम्मानित जल । फोटो विधाय् रत्नकृष्ण श्रेष्ठ व धनवीर महतो पुरस्कृत जुल ।
राससं लःल्हाइगु ‘आदित्यध्वज जोशी लुमन्ति सिरपालं न्हुछेराज बज्राचार्य व सागुरसिंह रानायात, व वासु रिमाल यात्री सिरपालं मोहिनी मिश्र व नीरज गौतमयात सम्मान याःगु दु ।
Categorized in राष्ट्रिय
