रियल मड्रिडं बिल्बाओयात ३–१ त्याकल
लहानान्युज | थिंलाथ्व द्धितीया ११४१, पुस १ गते
करिम बेन्जिमा याःगु निगु गोलं रियल मड्रिड स्पेनिस ला लिगा फुटबलय् त्याःगु दु। म्हिगः मंगलवाः चान्ह्य जूगु कासाय् रियलं एथ्लेटिक बिल्बाओयात ३–१ गोलं त्याकूगु खः।
घरेलु मैदानय् जूगु कासाय् रियलया लागि बेन्जिमा निगु गोल यागु खःसा टोनी क्रुस न छगु गोल याःगु खः। अथेहे बिल्बाआया लागि आन्द्रे कापा छगु गोल याःगु खः।
थुगु कासा लिपा रियलया लिगय् १३ कासा म्हिता २६ अंक जूगु दु सा बिल्बाओ १४ अंक नाप १३ गु स्थानय् दु।
Categorized in कासा
