२०७७ माघ १३, मंगलबार

रियल म्याड्रिडं बार्सिलोनायात ३–१ त्याकल

रमित | कौलाथ्व नवमी ११४०,कार्तिक ९ आइतवाः

स्पेनी ला लिगाया थुगु सिजनय् सुरुवातया खराब लय् पाखे वनाच्वंगु बार्सिलोना म्हिगः चान्ह्यः न एल क्लासिया कासाय् रियल म्याड्रिड नाप बुगु दु। शनिवाः नु क्याम्प सिजनया न्हापागु एल क्लासि कासाय् रियल म्याड्रिडं बार्सिलोनायात ३–१ त्याकूगु दु।
 
कासाया न्यागु मिनेटय् हे रियल म्याड्रिडया लागि फेडेरिको भालभर्डे नं गोल यासे न्ह्यने यकूगु खः। वया स्वगु मिनेटय् हे बार्सिलोनाया लागि अन्सु फाटीं बराबरी गोल याःगु खः। कासाया ६२ गुं मिनेटय् रियल म्याड्रिड पेनाल्टीं रियल म्याड्रिडया कप्तान सर्जियो रामोसं गोल याःगु खः।
 
बार्सिलोनाया डिबक्स एरियाय् क्लेमा ल्याङ्ग्ले न सर्जियो रामोसया जर्सी साःगु खः। सुरुइ रेफ्रीं कासा जारी यासा भिडियो असिस्टेन्ट रेफ्री(भार) नं उगु निर्णय उल्टे यासे रियलयात पेनाल्टीया अवसर बिःगु खः। कासाया ९० गु मिनेटय् रियल म्याड्रिडया लागि लुका मोड्रिचं अतिरिक्त छगु गोल थपे याःगु खः।
 
थुगु कासा लिपा रियल म्याड्रिड ला लिगाया अंकतालिकाय् शीर्ष स्थानय् थ्यःगु दु। रियल खुगु कासाय् १३ अंक हया शीर्ष स्थानय् थ्यःगु दु। न्याःगु कासाय् बार्सिलोना ७ अंक हया झींगु थासय् लागु दु।
Categorized in कासा