रियल म्याड्रिड हाकन शीर्ष थासय्
लहनान्युज | दिल्लाथ्व चतुर्थी ११४०,असार ११बिहीवाः
स्पेनिस ला लिगाय् रियल म्याड्रिड हाकन शीर्ष थासय् थ्यःगु दु । मालोर्कायात २–० गोल बुका रियल हाकन शीर्ष थासय् थ्यःगु दु ।
उगु कासाय् ११क्वःगु मिनेटय् मालोर्काया इद्रिसा बाबां पेनाल्टी क्षेत्र पिने थ्याःगु रियलया गोलरक्षक थिबाउट कोर्टुवां बचे याःगु खः । कासाया १९क्वःगु मिनेटय् रियलं अग्रता काःगु खः । लुका मोड्रिचं बिःगु पासयात भिनिसियसं गोल यायेत ताःलागु खः ।
न्हापागु हाफय् रियलं १ – ० गोलया अग्रता काःगु खः । ५६क्वःगु मिनेटय् रियलया अग्रता दोब्बर जुगु खः ।
थुगु कासा लिपा रियल व बार्सिलोना निगुलि ३१गू कासाय् समान ६८ ल्याः जूगु दु । तर हेड टु हेडया आधारय् रियल न्ह्यने दु ।
