रियल व लिभरपुल च्याम्पियन्स लिगया क्वाटरफाइनलय्
ने.सं. ११३८ चिल्लागा षष्ठी (७ फेब्रुअरी २०१८)
साविक विजेता स्पेनिस क्लब रियल मेड्रिड च्याम्पियन्स लिगया क्वाटरफाइनलय् दुहांवंगु दु ।
वंगु चान्हय् पेरिस सेन्ट जर्मेनया घरेलु कासाख्यलय् जूगु निगूगु लेगया कासाय् रियल मेड्रिड २–१ गोलं त्याःगु खः । न्हापांगु लेग ३–१ गोलं त्याःगु रियल समग्रय् ५–२या लिच्वःलिसें लिपांगु च्यागुली थ्यंगु खः ।
वंगु चान्हय् जूगु कासाय् न्हापांगु हाफ निखेरं गोल हे मजूसे क्वचाःगु खःसा निगूगु हाफया शुरुइ हे क्रिष्टियानो रोनाल्डों मेड्रिडयात न्ह्यःने लाकूगु खः । कासाया ६६गूगु मिनेटय् घरेलु पुचः पिएसजीया कासामि भेराटीयात ह्याउँगु कार्ड क्यंगु खः ।
तर ७१गूगु मिनेटय् इभिन्सन काभानीं गोल यासें कासा बराबरीइ हःगु खः । थ्व हे झ्वलय् ८०गूगु मिनेटय् कासिमेरों गोल यासें रियल मेड्रिडयात त्याकाबिल ।
अथे हे मेगु कासाय् इङ्गलिस प्रिमियर क्लब लिभरपुलं पोर्चुगलया एफसी पोर्टोलिसे बराबरी कासा म्हितुसें क्वाटरफाइनलय् थःगु थाय् दयेकेत ताःलाःत ।
न्हापांगु लेगय् ५–० गोलं त्याकूगु लिभरपुलं समग्रय् न्यागू गालें त्याकूसें च्याम्पियन्स लिगया क्वाटरफाइलनय् थाय् दयेकूगु खः ।
Categorized in कासा
