२०८० चैत्र १६, शुक्रबार

रियल सोसिडाडयात २–१ गोलं बुकाः मड्रिड उपाधि लिक्क

कछलाथ्व द्धितीया ११४१,बैसाख ३० बिहीवाः

स्पेनिस ला लिगा फुटबलय् एथ्लेटिको मड्रिड उपाधि लिक्क थ्यंगु दु । लिग अन्तर्गत वंगु चान्हय्या कासाय् रियल सोसिडाडयात २–१ गोलं बुकाः एथ्लेटिको मड्रिड उपाधि लिक्क थ्यंगु खः ।
 
घरेलु ख्यलय् जूगु कासाय् एथ्लेटिकोया लागिं यानिक कारास्को व एन्जल कोरियां १, १ गोल यात । रियल सोसिडाडया लागिं जुबेल्दियां ८३ मिनेटय् १ गोल लितबिल । कासा त्यायेधुंकाः निगू कासा ल्यं दनिलबय् हे शीर्ष थासय् दुगु एथ्लेटिको मड्रिडया ८० ल्याः जूगु दु ।
 
निगूगु थाय्या बार्सिलोनाया उलि हे कासां ७६ व स्वंगूगु थाय्या रियल मड्रिडया ३५ कासां ७५ ल्याः जूगु दु । वंगु चान्हय्या मेगु कासाय् सेभिल्लां भ्यालेन्सिया, सेल्टा डी भिगों गेटाफे व हुएस्कां एथ्लेटिको बिल्बाओयात बुकाब्यूगु दु ।
Categorized in कासा