स्पेनिस लिग फटबलय् रियाल मड्रिडं बार्सिलोनायात २–१ गोल अन्तरं बुकूगु दु ।

निगू नांजाःगु क्लबदथुइ सिजनया न्हापांगु ‘एल क्लासिको’ लय् रियाल मड्रिडं कासा त्याकूगु खः । बार्सिलोनाया मैदानय् जूगु कासाय् रियाल मड्रिडयात त्याकेबीत डेभिड अलाबा व लुकास भास्क्वेजं छगूछगू गोल याःगु दु ।

घरेलु पुचः बार्साया सर्जियो अग्युरों छगोल याःगु दु । कासा त्याःगुलिसे रियाल मड्रिडं ९गू कासापाखें २०गू ल्या दयेकूगु दु । छगू कासा उप्वः म्हितूगु रियाल सोसिडाड २१गू ल्यानाप दकले न्ह्यःनय् दु ।

९गू कासापाखें १५गू ल्या दयेकूगु बार्सिलोना धलःया गुंगूगु थासय् दु ।

Categorized in कासा