रुसं स्वगु करोड २० लाख डोज कोरोना विरुद्ध खोप मेक्सिकोयात मिइगु
लहनान्युज | ञंलागा ७ ११४०,भाद्र २४ बुधवाः
रुसया सार्वभौम सम्पत्ति कोषं स्वगु करोड २० लाख डोज सम्भावित कोरोना विरुद्ध खोप मेक्सिकोयात मिइत्यःगु दु ।
रुसं कोभिड १९ या सम्भावित ’स्पुतनिक भी’ खोप मेक्सिकोया छगु मुख्य फर्मासिटिकल कम्पनीयात मिइगु लागि सम्झौता जुगु धका रोयटर्सयात जानकारी बिःगु दु । थ्व रुसया खोप निर्यातया निगुगु सम्झौता जुगु धका धाःगु दु ।
थ्व स्वया न्ह्य रुसी प्रत्यक्ष लगानी कोष (आरडीआईएफ) नं न्हापागु सम्झौता अगस्तय् काजकस्तान नाप याःगु खः ।
रुसं थ्व स्वया न्ह्य अगस्त ११ य् हलियकं न्हापागु कोरोना विरुद्धया खोप दर्ता याःगु धका दाबी याःगु दु । तर, युरोप अमेरिका लगायतया पश्चिम राष्ट्रं खोप विकासया दक्को मापदण्ड पालना याःगु मयाःगु धका आशंका व्यक्त याःगु खः ।
रुसं धाःसा उगु खोप आपतकालीन प्रयोगय् हये धुकागु दु धका याःगु दु ।
Categorized in अन्तर्राष्ट्रिय
