रुसय् कोरोना संक्रमणं ४८९ चिकित्सकपि मन्त
लहनान्युज | तछलागा त्रयोदशी ११४०,असार ५ शुक्रवाः
रुसय् कोरोना भाइरस संक्रमणपाखे ४८९म्ह चिकित्सकपि सीगु दु । रुसया स्वास्थ्य क्षेत्रय् स्वया च्वपि सरकारी संस्था रोजद्रावनादजोरं जानकारी बिःगु दु ।
लच्छिया दुने १०१म्ह चिकित्सकपि सीगु दु । थ्व नाप ४८९म्ह चिकित्सकपि सीपि अप्वया च्वंगु दु ।
रोजद्रावनादजोरया प्रमुख अला सामोइलोवां सुरक्षा सामग्रीया वितरणय् समस्या जुया वया दु धका धाःगु दु ।
जोन्स हप्किन्स विश्वविद्यालयया कथं रुसय् आतक ५ लाख ६० द्धः स्वया अप्व कोरोना संक्रमित जूगु दु ।
संक्रमितपिनिगु ल्याखय् रुस विश्वया स्वगूगु थासय् लाःगु दु ।
अथेहे रुसय् आतक ७६५०म्ह सीइ धुकुग दु धका जोन्स हप्किन्स विश्वविद्यालयया तथ्यांकय् उल्लेख दु ।
