२०८० चैत्र १५, बिहिबार

रेशम चौधरीयागु मुद्दा लितकायेगु सहमति

लहानान्युज | कछलागा षष्ठी ११४१,जेष्ठ १८ मंगलवाः

सरकार व थारु कल्याणकारिणी सभा दथुइ रेशम चौधरीयागु मुद्दा लितकाये मागु व रिहाइया लागि संविधान व कानुनसम्मत पहल यायेगु सहमति जुगु दु।

थरुहट÷थारुवान आन्दोलनया झ्वलय् कैलालीया टीकापुरय् जुगु घटनाया आरोपित रेशम चौधरी, धनिराम चौधरी व लक्ष्मण चौधरी लगायतपिनिगु दक्को मुद्दा लितः कायेमागु व रिहाइया लागि संविधान व कानुनसम्मत पहल यायेगु सहमति जुगु दु।

अथेहे थरुहट÷थारुवान आन्दोलनया झ्वलय ज्यान गुमेयापिनिगु परिवारयात राहत बिइगु, शहीद परिवारया उचित व्यवस्थापन यायेगु, घाइतेया उपचार याइपिन्त व आन्दोलनया झ्वलय् थीथी थासय् धनजनया क्षतिइ छानबिन व मूल्याङ्कन याना क्षतिपूर्ति उपलब्ध यायेगु प्रक्रिया न्ह्यने यकेगु सहमति जुगु दु।

Categorized in राजनीति