रेशम चौधरीया सांसद पद खारेज जुइफु
लहनान्युज | सिल्लागा औंशी ११३९ (मार्च ६ २०१९)
टीकापुर घट्नाया दोषी ठहर जुगु लिपा निलम्बित सांसद रेशम चौधरीया पद खारेज जुइगु जुगु दु ।
कर्तव्य ज्यान, ज्यानमार्ने उद्योग व डाँका चोरी मुद्दाय् कैलाली जिल्ला अदालतं जन्मकैदया सजाय न्यके धुका चौधरीया पद गुम्मे जुइगु सम्भावना दया वःगु दु ।
पुर्पक्षया लागि जेलय् च्वना च्वंम्ह चौधरीं वःगु १९ पुसय् सिंहदरबारय् वना सांसद पदया सपथ नयादीगु खः ।
फरार जुया हे चुनावय् ल्वानाचौधरी कैलाली–१ पाखे प्रतिनिधिसभा सदस्यय् निर्वाचित जुयादीगु खः ।
२०७२ या ७ भदौय् कैलालीया टीकापुरय् छम्ह नाबालक नाप न्ह्यम्ह प्रहरीया हत्या मुद्दामा सांसद चौधरी नाप ५८ म्हसित विपक्षी दयेका तःगु खः ।
