रोजिन शाक्ययात इन्टरनेशनल अचिभमेन्ट अवार्ड
इन्टरनेशनल प्रोफेसनल अचिभमेन्ट अवार्ड विगत निगू दशकनिसें फेसन व ब्यूटी पेजेन्टया कोरियोग्राफीइ राष्ट्रिय व अन्तर्राष्ट्रिय स्तरय् सक्रिय जुयाः च्वम्ह फेसन कोरियोग्राफर रोजिन शाक्ययात लःल्हाःगु दु ।
 
 
संविधान दिवस व राष्ट्रिय दिवसया लसताय् असोज ३ गते दुबईया एभरेष्ट क्लबय् जुउगु इन्टरनेसनल प्रोफेसनल अचिभमेन्ट अवार्ड २०१९ अन्तर्गत कोरियोग्राफर शाक्ययात उगु अवार्ड लल्हाःगु खः ।
 
 
उगु ज्याझ्वलय् मूपाहाँ कृषि व पशु विज्ञानमन्त्री चक्रपाणि खनालं अवार्ड लल्हाःगु खः । शाक्यं कोरियोग्राफी बाहेक उद्घोषण, समाचार वाचन, फेसन पत्रकारिता, कलेज अध्यापन आदि विधाय् नं सक्रिय जुयाः वयाच्वंम्ह खः । उगु निगू दर्जनं अप्वः व्यक्तिपिन्त उगु अवार्ड लःल्हाःगु खः 
 
 
उगु अवार्ड ज्याझ्वलय् पत्रकारिता विधापाखे. बरिष्ठ पत्रकारपिं ओम शर्मा, खिलबहादुर भण्डारी, सुरेश चन्द्र अधिकारी, पत्रकारिता विधाय् हे दुबइृस च्वंम्ह लक्ष्मण खनाल व विनोद बाबु श्रेष्ठ, फोटोग्राफी विधा अन्तर्गत ग्ल्यामर फोटोग्राफर राजभाई सुवाल, फोटो पत्रकार लेखबहादुर श्रेष्ठ, स्टुडियो फोटोग्राफर भवदेव थापा मगर, फ्रिलान्स फोटोग्राफर दिपेन्द्र महर्जन पुरस्कृत याःगु खः । 
 
 
ज्याझ्वलय् दुबईस च्वंम्ह उद्यमी व व्यवसायी डा. दिनेश आचार्ययात मल्टि डिसिप्लिनरी अन्टरप्रिनरशीपया अवार्ड लःल्हाःगु खः ।
 
 
नेपाल पत्रकार महासंघ युएईया सहकार्यस सिजन मिडिया प्रा.लिं ग्वसाः ग्वःगु उगु अवार्ड ज्याझ्वलय् लोकगायक दिपबहादुर थापा मगर, मिसा उद्यमीपिं विजया कोइराला, रेजिना तुलाधर व गर्ली अग्रवाल, समाजसेवी सन्तोषी शाही, मिसा अधिकारकःमि शोभा कुमारी गिरी, च्वमि पुष्पलता आचार्य लिसें थीथी व्यक्तित्वपिन्त न सम्मानित याःगु खः ।
 
Categorized in मनोरन्जन