२०८० चैत्र १६, शुक्रबार

रोनाल्डोया कप्तानी पोर्चुगलया टोली घोषणा

कछलाथ्व नवमी ११४१,जेष्ठ ७ शुक्रवाः

रोनाल्डोया कप्तानी न्ह्यने वःगु युरोकपया लागि डिफेन्डिङ च्याम्पियन पोर्चुगलया टोली घोषणा याःगु दु ।
 
पोर्चुगलया प्रशिक्षक फर्नान्डो सान्तोषं अनुभवी व ल्याम्ह कासामीपिन्त कःघाना २६गू दुजःया टोली घोषणा याःगु खः ।
 
प्रशिक्षक सान्तोषं भेट्रान रोनाल्डोलिसें पेपे, रुइ प्याट्रिसियो प जोओ मौटिन्होयात टोलीइ कःघाना ल्याम्ह कासामी जोआओ फेलिक्स, पेड्रो नेटो व डिएगो जोटायात नं टोलीइ दुथ्याकूगु दु ।
 
प्रशिक्षक सान्तोषया टोलीइ इंग्लिस क्लब वल्भ्सं दकले अपाः प्यम्ह कासामी दुथ्याकूगु दु । पोर्चुगिज क्लब स्पोर्टिङ सिपी व इंग्लिस क्लब म्यानचेस्टर सिटीं ३÷३म्ह कासामी टोली दुथ्याबलय् फ्रेन्च क्लब लिलपाखें निम्ह कासामी लाःगु दु ।
 
सन् २०१६य् फ्रान्सयात तंगु ईलय् १–० बुका उपाधि त्याकूगु पोर्चुगलयात थ्व सिजन नं उपाधिया दावेदार कथं कयावयाच्वंगु दु । 
 
Categorized in कासा