रोनाल्डोया निगु गोल युभेन्ट्स त्यात
रमित | कछलाथ्व अष्टमी ११४१, मंसिर ७ आइतवाः
क्रिस्टियानो रोनाल्डों न्हापागु हाफय् याःगु निगु गोलं युभेन्ट्स नं इटालीया सिरी ‘ए’ य् कागलिरीयात २–० बुकुगु दु।
थ्व नाप अंक–तालिकाय् निगु थासय् थ्यःगु दु। पोर्चुगालीया कासामि टुरिनय् जूगु कासाय् ३८गु मिनेटय् न्हापागु गोल याःगु खः।
अथेहे थ्व नाप लिगया न्याःगु गोल याःगु खः। वया प्यंगु मिनेट लिपा ३५ दँया रोनाल्डों निगु गोल याःगु खः।
थुगु सिजनया लिगय् रोनाल्डों च्याःगु गोल याये धुकुगु दु।
थुगु कासा लिपा युभेन्ट्स नं शीर्ष स्थानय् दुगु एसी मिलान नाप छगु ल्याखं लिउने लागु दु।
Categorized in कासा