रोनाल्डोया प्यंगु गोल मड्रिडं त्यात
लहनान्युज | चौलाथ्व दुतिया ११३८ (मार्च १९ २०१८)
रोनाल्डोया प्यंगु गोलया ग्वाहालिं स्पेनिस ला लिगा फुटबलय् रियल मड्रिडं जिरोनायात ६ या विरुद्ध ३ गोलं त्याकुगु दु । वंगु चान्ह्य घरेलु मैदानय् जुगु कासाय् रियल मड्रिडयात त्याकेगु लागि रोनाल्डां प्यंगु गोल याःगु खः ।
कासाया झीगु मिनेटय् हे रोनाल्डां गोल यासें रियलयात न्ह्यने यकुगु खः । अथेहे जिरोनाया स्तुएनीं २९ औं मिनेटय् गोल यासें कासाय् छगु छगु गोलया बराबरी याःगु खः ।
अथेहे कासाय् ४८ औं मिनेट व ६४ औ मिनेटय् गोल यासें कासाय् न्यक्वःगु ह्याट्रिक पुरा याःगु खः ।
थुगु कासा लिपा रियल मड्रिड २९ कासाय् ६० ल्याः कया स्वगुगु थासय् लाना च्वंगु दु ।