रोनाल्डो अन्तर्राष्ट्रिय फुटबलय् दकले उप्वः गोल याःम्ह कासामि
गुंलागा एकादशी ११४१, भाद्र १७ बिहीवाः
पोर्चुगलया फुटबल कासामि क्रिश्चियानो रोनाल्डों अन्तर्राष्ट्रिय फुटबलय् दकले उप्वः गोल याःम्ह कासामिया किर्तीमान दयेकूगु दु ।
विश्वकप छनोटअन्तर्गत युरोपेली महादेशया छनोट कासाय् पोर्चेुगलं वंगु चान्हय् रिपब्लीक अफ आयरल्याण्डयात २–१ गोल अन्तरं बुकूगु दु । उगु कासाय् पोर्चुगलया नितिं निगुलिं गोल रोनाल्डों हे याःगु खः ।
थ्वनाप रोनाल्डों थःगु देय् पोर्चुगलया नितिं सछि व ११गोल याःगु दु । थ्वसिवे न्ह्यः दकले उप्वः गोल याःम्हेसिया किर्तीमान इरानया अली दाइया नामय् दुगु खः ।
वय्कलं सन् १९९३ निसें २००६ तक इरानया राष्ट्रिय पुचलं म्हिताः सछि व ९गोल याःगु खः ।
Categorized in कासा