२०७७ माघ ९, शुक्रबार

रोहितया शतकया ग्वाहालि भारत त्यात

लहनान्युज | तछलाथ्व तृतिया ११३९ (जुन ६ २०१९)

विश्वकप क्रिकेट कासाय् भारतं दक्षिण अफ्रिकायात ६ विकेटं त्याकुगु दु । 
 
 
२२८ रनया मध्यम लक्ष्य ज्वना ब्याटिङ या वःपिं भारतं ४७.३ ओभरय् प्यंगु विकेटया क्षतिइ उगु लक्ष्य सफल जुगु दु ।
 
 
उगु कासाय् भारतया ओपनर रोहित शर्माया अविजित १२२ रन दयेकुगु खःसा महेन्द्रसिंह धोनीं ३४ रन, केएल राहुल २६ रन व कप्तान विराट कोहलीें १८ रन दयेकुगु खः ।
 
 
बलिङपाखे  कागिसो रबडां निगु विकेट काःगु खः ।
 
 
इंग्ल्यान्डया साउथहृयाम्पटनय् टस त्याका न्हापा ब्याटिङ यासे दक्षिण अफ्रिकां निर्धारित ५० ओभरय् ९ विकेटया क्षतिइ २२७ रन जक दयेकेत तालाःग्ु खः ।
 
 
दक्षिण अफ्रिकाया लागि क्रिस मोरिसं ४२ रन, कप्तान फाफ् डु प्लेसिस ३८, एन्डिल फेहलुकवाओ ३४, डेभिड मिलर ३१ रन, कागिसो रबडा ३१ रन  अविजित नाप रसिइ भान डेर डुसेनं २२ रन दयेकुगु खः ।
 
 
बलिङपाखे भारतया युजभिन्द्र चाहालं प्यःगु विकेट, जसप्रित बुमराह व भुवनेश्वर कुमारं म्हति निगु निगु विकेट काःगु खः ।
 
Categorized in कासा