लकडाउन थौं चान्ह्य निसे क्वचाइगु
लहनान्युज | गुंलाथ्व पारु ११४०,साउन ६ गते
वःगु चैत ११ गते निसे सुरु जूगु लकडाउन थौं मंगलवाःया चान्ह्य निसे क्वचाइगु जुग दु ।
कोरोनाया जोखिम दुसा सङ्क्रमणया दर घटे जुगु धका धाःसे अर्थ एवं, सञ्चार तथा सूचना प्रविधि मन्त्री तथा सरकारया प्रवक्ता डा युवराज खतिवडा थौं जानकारी बिःगु दु ।
नागरिकपिन्त मनोवैज्ञानिक त्रास यायेत लकडाउन चाकःगु धका मन्त्री खतिवडां धयादिगु दु ।
लकडाउन खुले जूसा अवस्था स्वया निषेधित क्षेत्र घोषणा याये फइ धका धयादिगु दु ।
सरकारं मंगलवाः चान्ह्य लकडाउन खुला यायेगु निर्णय यासा शैक्षिक संस्था, धार्मिक तथा सामाजिक थाय्, ट्युसन सेन्टर, सिनेमा हल, डान्स बार, सैलुन, ब्युटी पार्लर, स्विमिङ पुल लगायतया थासय् मेगु निर्णय मजू तले बन्द जुइ धका धाःगु दु । तर न विद्यार्थी भर्ना परीक्षाफल प्रकाशनया ज्या भदौ १ गतेनिसे याये फइगु निर्णय जुगु दु धका धाःगु दु ।
सरकारं साउन १५ गतेनिसे होटल, रेस्टुरेन्ट, ट्राभल व ट्रेकिङ एजेन्सी व पर्वतारोहण सम्बन्धी ज्याकू खुला यायेगु निर्णय याःगु दु । तर सेमिनार व भेला धाःसा याये दइ मखुनि धका धाःगु दु ।
