२०८० चैत्र १६, शुक्रबार

लक्ष्मी महर्जनया ‘छ जुल अमेरिकाय्’ सार्वजनिक जुइगु

नृपेन्द्रलाल श्रेष्ठ | कौलागा नवमी ११३९ (अक्टुवर २२ २०१९)

बरिष्ठ कलाकार नाप निर्देशक पवन जोशीया निर्देशनय् न्हूगु सवाः निम्हत्यपुया जीवनय् आकाझाकां बायाः च्वने मालीबलय् गुज्वःगु म्हाइपुगु जीवनय् वइगु बाध्यता व यथार्थ घटनाया आधारय् निर्देशक जोशीं ् छगू न्हूगु नेपालभाषाया म्यूजिक भिडियो निर्माण ज्या क्वचायेकूगु दु ।
 
 
‘छ जुल अमेरिकाय्...’ बोलया म्ये लक्ष्मी महर्जनया च्वसां नाप लसय् हना थःगु हे सलय् म्ये हालादिगुु खः । थुगु म्येय् राजेन्द्र शाक्यं न साथ बियादिगु खः । अथेहे, थुगु म्येया संगीत संयोजन संगीतकार अनिल तुलाधरं यानादीगु खः ।
           
 
थुगु म्युजिक भिडीयो राजेश शाक्यया छायांकन व सम्पादनय् व राजेन्द्र महर्जन ‘राजी’ व रमिता महर्जनं अभिनय यानादीगु खःसा सनमकुमार श्रेष्ठं समाः यानादीगु दु ।
 
 
निर्देशक जोशीं ‘छ जुल अमेरिकाय...’ म्येया म्यूजिक भिडियो कन्ह्यः कार्तिक ७ गते बिहिवाः थीथी टेलिभिजन च्यानल व हाईलाइट्स नेपाल यूट्युब च्यानलपाखें विश्वब्यापि रुपं सार्वजनिक जुइ धका लहनान्युजयात जानकारी बियादिगु खः ।
 
 
‘छ जुल अमेरिकाय्...’ म्यूजिक भिडियोया विषयस निर्देशक जोशीं आःतक नेपालभाषाया पिदंगु म्यूजिक भिडियो स्वया बिस्कं पहःया व यथार्थ घटनाया मनोविज्ञानया भावनात्मक मतिनाया प्याःचाःया जुइगुलि निगू मत दइ मखु धका न दावी यानादिगु दु ।
 
 
Categorized in मनोरन्जन