२०८० चैत्र १५, बिहिबार

लाखे भाजुया शुटिंग टिष्टुंगय् न्ह्यात

लहनान्युज | कछलागा एकादशी ११३८ (नोभेम्बर १४ २०१७)

लोकह्वाम्ह हिरोइन आशिष्मा नकःमिया नेवाः संकिपा “लाखे भाजु” शुटिंगं टिष्टुंगय् न्ह्याकूगु दु ।
 
 
उगु संकिपाया सह निर्देशक रवि महर्जनं जानकारी बियादीगु कथं लाखे भाजु संकिपा पुचलं नेवाः संकिपा ख्यलय् दिवंगत कलाकारपिन्त लुमंका छगू मिनेट मौनधारण यासेंन्ह्याःगु खः । 
 
 
छु दिं न्ह्यः येँया मजिपातय् च्वंगु लाखे छेँय् वना सकिपाया निर्माता आशिष्मां पुजा याःगु खः।
 
 
“लाखे भाजु” संकिपाय् कलाकार लाखे जुया म्हितिम्ह सोहित मानन्धर ,नगीना जोशी , प्रकाश श्रेष्ठ, अन्नपूर्णेश्वरी श्रेष्ठ , अष्टमाया महर्जन , सर्वोत्तम चित्रकार , अनिता ताम्रकार , कृष्णभक्त महर्जन , अकल महर्जन ,राजेन्द्रमान शाक्य , सबिन शाक्य, गणेशराम लाछी , हृदयप्रसाद मिश्र , भोगेन्द्र मानन्धर , नारायणदेबी प्रधान नाप आशिष्मा नकःमियात मेन रोलय् स्वय्दइ ।
 
 
करीब ५० लख तका लाय् तुइगु थ्व “लाखे भाजु” दयेकेत आशिष्मायात नेपाःया संकिपा ख्यःया तसकं नांजापिं फिल्ममेकर व संकिपा बञ्जातसें साथ बिइगु जुगु दु । थुके आशिष्मायात थौंकन्हे नेपाःया दकले पुलांगु संकिपा बञ्जातय्गु संगठन नेपाल चलचित्र संघया नायः जुया च्वनादीम्ह प्रदिप उदयभाजुं मू रुपं साथ बिइगु जूगु दुसाः नांजापिं संकिपा बञ्जात गोपालकाजी कायस्थ व नरेन्द्र महर्जनया नापनापं गैर आवासिय नेपालीया रुपय् नांजापिं दिपक श्रेष्ठ(बेलायत) , चीजकुमार श्रेष्ठ(युरोप) व सुन्दर राजभण्डारी(अमेरिका) पिन्सं नं लाय् तइगु जूगु दु ।
 
Categorized in मनोरन्जन