लानिपूखु पुर्ननिर्माणया अनुगमनयायेत मन्त्री व मेयर
नृपेन्द्रलाल श्रेष्ठ | ञंलाथ्व ११ ११४०,भाद्र १३ सनिवाः
लानिपूखु पुर्ननिर्माण उपभोक्ता समितिं लानिपूखु पुर्ननिर्माणया ज्या क्वचायेत्यःगु झ्वलय् दु धका जानकारी बिःगु दु ।
लानिपूखु पुर्ननिर्माणबारे जानकारी कायेगु लागि अनुगमन यायेत शहरी विकास राज्यमन्त्री रामवीर मानन्धर व येँ महानगरपालिकाया मेयर विद्यासुन्दर शाक्य वःगु खः । ‘पुर्ननिर्माणया ज्या सत प्रतिशत व देगः व सौदर्यीकरणया ज्या ८५ प्रतिशत क्वचाये धुकुगु दु धका समितिया अध्यक्ष अजय स्थापितं मन्त्री व मेयरयात जानकारी बिःगु दु, ‘लकडाउनया इलय् न पुर्ननिर्माणया ज्या निरन्तरता जुयाच्वंगु दु धका धयादिग खः ।
सुरुइ स्थापितया अधक्ष्यताय् न्याम्हेसिगु उपभोक्ता समिति गठन याना ज्या न्ह्याःगु खः । येँ महानगरपालिकां वडा–१, २८ व २७ या वडा अध्यक्षपिन्स उगु समिति दयेका बिःगु खः ।
राज्यमन्त्री मानन्धरं सम्माननीय राष्ट्रपतिं शिलान्यास यानादिगुलि कोभिड–१९ या महामारीया दथुइ न पुर्ननिर्माणया ज्या जुयाच्वंगु थुुगु इलय् क्वचाये त्यःगु गौरवया खँ जुगु धका धयादिगु खः । ‘थ्व ऐतिहासिक जक मखु, साँस्कृतिक, पुरातात्विक व ऐतिहासिक प्रेम काहानी नाप स्वागु खँ खः,’ अथेहे वयकलं ‘थ्व विश्वया लागि छगु उदाहरणीय थाय् खः । थुगु पुर्ननिर्माण सम्पन्न जुइत्यःगुलि छगु आनन्दित महशुस जुगु दु धका धयादिगु खः ।’ मन्त्री मानन्धरं २०७२ सालया तःभुखनय् न क्षतिग्रस्त जूगु लानिपूखु येँ महानगरपालिका व सकसिगु कुतलं पुर्ननिर्माण जुगु गौरवया खँ खः धका धयादिगु दु ।
अथेहे अनुगमनय् येँ महानगरपालिकाया मेयर शाक्य येँ महानगरपालिकां सुरुइ विज्ञ समूह दयेका उमिगु हे राय–सुझाव कथं प्रताप मल्लकालिन स्वरुप, शैली व निर्माण सामाग्री छ्यलेगु प्रतिवद्धता क्यःगु लुमका दिगु खः । वहे कथं ज्या न्ह्यने यकां पुर्ननिर्माणया ज्या क्वचायेत्यःगु जानकारी बियादिगु खः । ‘ज्या विवाद रहित ढंगं क्वचायेकेत उपभोक्ता समिति दयेका ज्या न्हयाकागु धका धयादिगु खः र
मेयर शाक्य न्हापा गुम्बज शैलीया देगः दुगु खँ लुमकादिसे ‘गुम्बज शैलीयात शिखर शैली दयेके माः धका निर्णय यायेगुलि येँ महानगरपालिका हे खः धका धयादिगु खः, वयकलं ‘जिमिसं छगु पुलागु तस्बिर लुगुलि वहे तस्विरया आधरय् शिखर शैली पुर्ननिर्माण यायेगु निर्णय यानागु खँ कनादिगु खः ।
उगु पुखू पुर्ननिर्माणया लागि ९ करोड ५४ लाख व देगःया सौर्दर्यीकरणया लागि करीब १५ करोड याना करीब २५ करोड लागतं पुर्ननिर्माण जुयाच्वंगु खः ।
Categorized in राष्ट्रिय
