ला–लिगाय् रियाल मड्रिडं रियाल बेटिसयात बुकल
गुंलागा सप्तमी ११४१, भाद्र १३ आईतवाः
स्पेनिस लिग फुटबल ला–लिगाय् रियाल मड्रिडं रियाल बेटिसयात १–० गोलं बुकूगु दु ।
वंगु चान्हय् बेटिसया मैदानय् जूगु कासाय् रियाल मड्रिडया ड्यानियल कार्भायलं ६१गूगु मिनेटय् याःगु गोल निर्णायक जुयाबिल । कासा त्याःगुलिसे रियाल मड्रिड ३गू कासापाखें ७गू ल्या दयेकाः धलःया दकले न्ह्यःनय् थ्यंगु दु ।
ज्वःलाक्क ७गू–७गू ल्या दयेकूगु सेभिया, भ्यालेन्सीया व रियाल मयोर्का छसिकथं निगूगु, स्वंगूगु अले प्यंगूगु थासय् दु । निगू कासापाखें ६गू ल्या दयेकूगु एथ्लेटिको मड्रिड न्यागूगु थासय् दु ।
एथ्लेटिकों थौं चान्हय् भियारियाललिसे म्हितीबलय् बार्सिलोनालिसे गेटाफें धेंधेंबल्ला याइ ।
Categorized in कासा
