लिपुलेक सरकारया प्रतिवद्धता सकारात्मक तर अपूण, विपक्षी दलया नेता देउवा
लहनान्युज | बछलाथ्व दशमी ११४०,जेष्ठ ४ आइतवाः
प्रमुख विपक्षी दलया नेता शेरबहादुर देउवां लिम्पियाधुरा, लिपुलेक व कालापानीबारे सरकारया प्रतिवद्धता सकारात्मक तर अपूर्ण जुगु धका धाःगु दु ।
सरकारं नीति तथा कार्यक्रमय् लिम्पीयाधुरा, लिपुलेक व कालापानी नेपालया भूमि जुगु व थुगु प्राप्त यायेगु ठोस कूटनीतिक पहल यायेगु धका धाःगु खः । नाप छुटे जुगु भूमि समावेश याना न्हुगु नक्सा जारी यायेगु प्रतिवद्धता यानादिगु खः ।
थौं आइतवाः संसदय् थःगु खँ तयेगु झ्वलय् नेपाली कांग्रेसया सभापति देउवां सरकारी धारणा अपुरो जुगु धका धयादिगु दु ।
निम्ह छिमेकी देय् भारत व चीनं सन् २०१५ य् हे सहमति याःगु कथं भारतं नेपाली भूमिइ सतक दयकुगु धयादिसे देउवां, ‘नेपाली भूभागय् याःगु अतिक्रमण व सतक दयेकेगुबारे छिमेकी देय् चीननाप तक उच्चस्तरय् सार्थक व परिणामीमुखी वार्ता याना समस्याया समाधान यायेमाः धका धयादिगु खः ।
