लुँया भाः छवाःया दुने तोला २२०० थहावन
लहानान्युज | कछलागा चौथी ११४१, मंसिर १९ शुक्रवाः
लुँया भाः थौं शुक्रवाः स्वसः थहावःगु दु। नेपाल सुनचाँदी व्यवसायी महासंघया कथं म्हिगः बिहीवाः स्वया थौं स्वसः थहावःगु दु।
महासंघया कथं म्हिगः लुँ छगु तोलाया ९२ हजार ६०० रुपैयाँ न कारोवार जुगु खःसा थौं स्वसः थहावना ९२ हजार ९०० रुपैयाँ थ्यःगु दु। अथेहे तेजावी लुँ तोलाया ९२ हजार ४५० रुपैयाँ न कारोबार जुगु दु।
अथेतु थौं लुँ तोलाय् न्यातका थहावःगु दु। न्यातका थहावना वहः तोलाया १२१० रुपैयाँ न कारोबार जुगु दु धका महासंघं धाःगु दु।
थुगु वाः जक लुँ तोला २२ सय रुपैयाँ थहावःगु दु।
वाःया न्हापागु दिं आइतवाः तोलाया ९० हजार सात सय रुपैयाँ जुगु लिपागु दिं थौं शुक्रवाः तक थ्यःगु इलय् ९२ हजार ९ सय रुपैयाँ थ्यःगु दु।
Categorized in राष्ट्रिय
