वंशीधरया ‘ह्यांगु नांचाया जला’ पिदन
लहानान्युज | कौलागा पंचमी ११४०,कार्तिक २० बिहीवाः
हलिं न्यंकया कोविड १९ महामारी (कोरोना भाइरस) या काराण स्वास्थ व सुरक्षायात बिचाःयासें पत्रकार, साहित्यकारपिं म्वःम्वः मनूत मुंकाः पितब्वज्या यायेमज्यूगु हुनिं फेसबुक मार्फतं ‘ह्यांगु नांचाया जला’ पितब्वज्या जूगु खः।
अरनिको समाजया ग्वसालय् चीनय् पत्रकार, साहित्यकारपिन्त ब्वंगु इलय् चीन जला भ्रमणया झ्वलय् बरिष्ठ पत्रकार नापं साहित्यकार वंशीधर बज्राचार्यं अनया थीथी व्यक्तित्वपिं दथुइ जूगु गोष्ठी, सेमिनार, अन्तरक्रिया व सहलहस ब्वतिकासे एतिहासिक व सांस्कृतिक सम्पदा स्थल, चीनिया बस्ती, परम्परागत उद्योग आदि चाःहिला स्वयाः खंगु खँयात कयाः चीनिया जनजीवनया अनुभुती त यात्रा संस्मरण हे सफूया विषयवस्तु दयेकाः पिथनादीगु दु।
थुगु सफुतिइ चीनया भौगोलिक, राजनैतिक, सांस्कृतिक नापं भाषिक बिषययात चीहाकलं न्ह्यब्वयेगु कुतःजूगु च्वमि बज्राचार्यया धापू दु।
बुखँ : नेवाः सूचना केन्द्र
Categorized in राष्ट्रिय
