वाग्मती प्रदेशया मुख्यमन्त्री डोरमणियात कोरोना संक्रमण
लहानान्युज | कौलाथ्व षष्ठी ११४०,कार्तिक ६ बिहीवाः
वाग्मती प्रदेशया मुख्यमन्त्री डोरमणि पौडेलयात न कोरोना संक्रमण जूगु दु।
हेटौंडा–१० या किटजन्य रोग अनुसन्धान तथा तालिम केन्द्रया प्रादेशिक प्रयोगशालाय् याःगु स्वाब परीक्षण रिपोर्टय् मुख्यमन्त्री पौडेलयात न कोरोना संक्रमण पुष्टि जूगु दु।
मुख्यमन्त्रीया प्रेस संयोजकया कथं येँ न हेटौंडा लिहा वयाच्वम्ह ७३ दँ दुम्ह पौडेलयात सामान्य सेँय्खँ चाःगुलि म्हिगः बुधवाः स्वाब परीक्षण याःगु खः।
मुख्यमन्त्री पौडेलयात थौं बिहीवाः न्हिनय् कोरोना संक्रमण पुष्टि जूगु खः। स्वास्थ्य अवस्था सामान्य दुगु धका धाःगु दु। प्रेस संयोजकया कथं मुख्यमन्त्री पौडेल आः हेटौंडा–२ मुख्यमन्त्री निवासय् हे आइसोलेसनय् च्वना च्वंगु दु।
Categorized in राष्ट्रिय
