वामदेवयात राष्ट्रियसभाय् छ्वयेगु नेकपाया निर्णय
सत्तारुढ नेपाल कम्युनिस्ट पार्टी (नेकपा)याउपाध्यक्ष वामदेव गौतमयात राष्ट्रियसभाय् छ्वयेगु निर्णय याःगु दु ।
 
नेकपा सचिवालयया बैठकं राष्ट्रियसभा सदस्य मध्ये राष्ट्रपतिं मनोनित याइगु छगु खालीगु सिटय् गौतमयात मनोनयन यायेगु सिफारिसया निर्णय याःगु दु ।
 
बैठकया अध्यक्ष एवं प्रधानमन्त्री केपी शर्मा ओलीं राष्ट्रियसभा सदस्यय् मनोनित यायेगु लागि गौतमया नां सिफारिस यायेगु निष्कर्षय् सरकार थ्यःगु धका प्रवक्ता नारायणकाजी श्रेष्ठं जानकारी बिःगु दु ।
 
अर्थमन्त्री डा. युवराज खतिवडाबारे प्रधानमन्त्री ओली उगु बंैठकष्ु छु न धाःगु मदु ।
 
राष्ट्रपतिं मनोनित याइगु राष्ट्रियसभा  सदस्यय् गौतम वा खतिवडा सूयात नां सिफारिस यायेगु धका नेकपाय् विवाद जूगु खः ।
 
सचिवालयया बिहीवाः च्वंगु बैठकय् नेकपाया विवाद समाधानया लागि दयेकूगु कार्यदलया प्रतिवेदनय् न सहलह जूगु खः । ठोस कार्ययोजना दयेका सचिवालय व स्थायी कमिटीया प्रस्ताव प्रस्तुत याःगु निर्णय जूगु धका धःगु दु ।
Categorized in राजनीति