वालाचह्रे कुन्हु देवघाटय् मवयेत इनाप यात
लहनान्युज | कछलागा एकादशी ११४१, मंसिर २६ शुक्रवाः
देवघाट क्षेत्र विकास समितिं बालाचःह्रे कुन्हु देवघाट मवयेत इनाप याःगु दु। मंसिर २८ गते थुगु धार्मिक पर्वय् भक्तजनपिन्स भीड मयायेत अथे इनाप याःगु खः ।
समितिं छगु विज्ञप्ति पिथना मंसिर २७ बहनि निसे २८ गते तक जुइगु बालाचःह्रे मेलाय् देवघाट तीर्थयात्री वइपिन्त सचेत याःगु खः। विज्ञप्तिइ कोरोना भाइरसया जोखिम अझ न दनिइगु जुगुलि देवघाट मवयेत इनाप याःगु खः।
बालाचःह्रे वलय् देवघाटमा सदबिज ह्वले बलय् भक्तजनपिन्स तसक भीड जुइगु खः। थन सदबिज ह्वले वलय् व म्हल्हुतकि मोक्ष प्राप्त जुइगु धार्मिक विश्वास दु।
देवघाटधामय् च्वपि अधिकांश वृद्धवृद्धा दुगु व कोरोनाया सङ्क्रमण फैलै जूइ फइगुलि अन मवयेत इनाप याःगु खः।
Categorized in राष्ट्रिय
