विज्ञान ख्यलय् नं दान्यहिरा सिरपाः
लहनान्यूज सम्वाददाता | कौलाथ्व पुन्हि ११३६ (अक्टोबर १६ २०१६)
नेपालभाषा एकेदमिपाखें थुगुसी विज्ञान व प्रविधि ख्यलय् नं दान्यहिरा सिरपाः बीगु जूगु दु ।
थुगुसीनिसें २५द्वः तका राशिया दान्यहिरा विज्ञान प्रविधि सिरपाः नं बीत्यंगु खः । दक्कले न्हापांगु दान्यहिरा विज्ञान प्रविधि सिरपाः डा. रमेशमान सिंहयात बीगु जूगु दु ।
थ्वयां न्ह्यः हे दान्यहिरा सिरपा मथुरा सायमियात अले दान्यहिरा हःपाः सिरपाः नारद बज्राचार्ययात लःल्हायेगु घोषणा जुइधुंकूगु दु । वइगु कौलागा नवमि (कार्तिक ८) या दिनय् यलया अशोक हलय् जुइगु ज्याझ्वलय् थुगु स्वंगुलिं सिरपाः लःल्हायेत्यंगु दु ।
लिसें उगु हे ज्याझ्वलय् यज्ञरत्न धाख्वाःजुया ११गूगु सफू कथं बाखं मुना सफू ‘तुतां’ नं पिदनीगु जूगु दु । साहित्यकार धाख्वालं दँय्दसं दान्यहिरा सिरपाः लःल्हायेगु ज्याझ्वलय् थःगु न्हूगु सफू नं पिथना वयाच्वनादीगु दु ।
थुगु लिंक नं चायेकाः स्वयादिसँ
Categorized in राष्ट्रिय
