विदेश वःपि, छगु जिल्ला मेगु जिल्लाय् वनेपि अनिवार्य १४ दिं क्वारेन्टिनय् च्वने माः
लहनान्युज | ञंलागा ८ ११४०,भाद्र २५ बिहीवाः
विदेश वःपि वा छगु जिल्लापाखे मेगु जिल्लाय् वनेपिं मनू तयेगु अनिवार्य रुपं थःगु हे खर्चं १४ दिं क्वारेन्टिनय् च्वने माःगु ब्यवस्था याःगु दु ।
स्वास्थ्य तथा जनसंख्या मन्त्रालयं याःगु न्हगु ब्यवस्था कथं १४ दिं क्वारेन्टिनय् च्वनेत थःगु हे खर्च उम्ह मनू न याये माःलिगु दु ।
स्वास्थ्य मन्त्रालयया प्रवक्ता डाक्टर जागेश्वर गौतमया कथं विदेशपाखे वइपि मनूपि वा छगु जिल्लापाखे मेगु जिल्लाय् वनेपि मनू तयेस थःगु हे छेँय् वा थःगु हे खर्चं १४ दिं अनिवार्य
क्वारेन्टिनय् च्वने माःगु ब्यवस्था याःगु दु ।
उगु इलय् लक्षण खने मदुसा अज्याम्ह मनूखं पीसीआर परीक्षण याये म्वाःगु व्यवस्था याःगु धका प्रवक्ता गौतमं धाःगु दु ।
पीसीआर परीक्षणया लागि नमुना संकलन याःगु ७२ घण्टा दुने रिपोर्ट नेगेटिभ वःसा जक नेपाल वयेगु अनुमति बिइगु व्यवस्था याःगु दु धका धाःगु दु ।
कोरोना संक्रमण अप्वोया वःगुलि व पीसीआर परीक्षण थिके जुुगुलि १४ दिं अनिवार्य क्वारेन्टिनय् च्वने मागु नियम दयेकुगु दु ।
Categorized in राष्ट्रिय
