विपक्षी सांसदपिनिगु नाराबाजीया कारणं संसद स्थगित
लहनान्युज | तछलागा पारु ११३९ (जुन १८ २०१९)
प्रमुख विपक्षी नेपाली कांग्रेसया सांसदपिन्स नाराबाजीया कारणं थौं प्रधानमन्त्री केपी शर्मा ओलीें संसदय् सम्बोधन याये मखःगु दु ।
प्रधानमन्त्री ओलीं युरोप भ्रमणया बारे जानकारी बिगु व समसामयिक विषयलय् न्ववायेगु लागि ई कयादिगु खः । तर, थौं बैठक सुरु जुगु इलय् कांग्रेस सांसदपिं दना विरोध यागुनि संसदया मुँज्या स्थगित जुगु खः ।
थौं मंगलवाः सभामुखयाके प्रधानमन्त्रीं न्ववायेगु ई कयादिगु खः । प्रधानमन्त्री रोष्टमय् थ्यंगु इलय् विपक्षी सांसदपिंन्स हृवेल घेराउ यायेत वःगु खः । विपक्षी सांसदपिन्स संसदीय मर्यादा
कायम याये माःगु धाःसे नाराबाजी यागुनि संसद स्थगित याःगु खः । मेगु बैठक कन्ह्य ४ बजे तःगु दु ।
