विपद जोखिम व्यवस्थापनयात कयाः ब्वज्या
नृपेन्द्रलाल श्रेष्ठ | सिल्लाथ्व सप्तमी ११४०
यल महानगरपालिका वडा ल्याः १९य् विपद जोखिम व्यवस्थापनयात कयाः छगू ब्वज्या जुल ।
यूएनडिपि, युरोपियन यूनियनया ग्वाहालिइ नेपाःया शहरी क्षेत्रय् बहुप्रकोप जोखिमया न्यूनीकरण तथा आकस्मिक प्रतिकार्य क्षमता अभिबृद्धि परियोजनाय् स्थानीय कार्यान्वयन साझेदार
फ्रेन्डस सर्भिस काउन्सिल नेपाल व यल महानगरपालिकाया ग्वसालय् उगु ब्वज्या जूगु खः ।
मि च्याइगु छगू कारण जुयाच्वंगु छेँय् छ््यलीगु ग्यास सिलिण्डर ज्वयाः मि च्यात धाःसा छु याय्गु ? थुकिया व्यवस्थापन गुकथं याय्गु थेंजाःगु थीथीकथंया विपद् व्यवस्थापनया नितिं समुदाय चेतना थनेगु नितिं उकथंया कृतिम अभ्यास यानाः ब्वज्या याःगु खः ।
उगु कृतिम घटना कार्यक्रम व्यवस्थापनय् १९ वडाया वडाध्यक्ष विनोद ताम्रकारया संयोजकत्वय् वडास्तरीय जनशक्तिया नापनापं सशस्त्र प्रहरीया कल्याण खड्काया नेतृत्वय् प्यम्ह, रेडक्रसया प्रवीण श्रेष्ठ व महानगरपालिकाया दमकलपाखें नरेशजंग कुँवरलिसेंया पुचः दुथ्याःगु खः ।
